Texasda polis əməkdaşı silahsız afroamerikalını güllələyib

Bakı. 9 avqust. REPORT.AZ/ ABŞ-ın Texas ştatının Arlinqton şəhərində polis əməkdaşı 19 yaşlı silahsız afroamerikalı gənci güllələyib.

"Report"-un BBC-yə istinadən verdiyi xəbərə görə, Kristian Teylor adlı gənc idarə etdiyi avtomobillə avtosalonun pəncərələrini qıraraq içəri daxil olub.

Hadisə yerinə çağrılan asayiş keşikçiləri gəncin avtosalona qarət məqsədi ilə gəldiyindən şübhələniblər. Kristian Teylor müqavimət göstərdikdə isə Bred Miller adlı 49 yaşlı polis əməkdaşı onu güllələyib. Teylor hadisə yerində keçinib.