​Tailandda restoranda partlayış olub, bir nəfər ölüb, 7 nəfər yaralanıb

Bakı.19 yanvar. REPORT.AZ/ Tailandın cənubunda Sonqkhla əyalətinin, Tepa rayonunda baş verən partlayış nəticəsində bir nəfər ölüb, 7 nəfər yaralanıb.

"Report" TASS-a istinadən xəbər verir ki, bu haqda yerli polis məlumat verib.

Xəbərə əsasən, restoranda qumbara partladılıb. Bundan təxminən 10 dəqiqə sonra restoranın yaxınlığında daha bir partlayış baş verib. Bu hadisə nəticəsində xəsarət alan olmayıb.