Tailandda göyərtəsində 120 nəfər sərnişin olan gəmi batıb

Bakı. 8 aprel. REPORT.AZ/ Tailandda göyərtəsində 120 nəfər sərnişin olan gəmi batıb. "Report"un "Qazata.ru"ya istinadən verdiyi məlumata görə, Pxiketadan hərəkət edən "Ao Nang Princess 5" adlı gəmidə əsasən avropalı turistlər olub. Onlardan 9 nəfəri uşaq, 109 nəfəri böyükdür. 

İsrail vətəndaşı olan bir körpə itkin düşmüş sayılır, digər sərnişinlər isə xilas edilib.