Bakı. 11 fevral. REPORT.AZ/ Sloveniya sabiq prezident Danilo Türkun namizədliyini BMT baş katibi postuna rəsmən irəli sürüb. Müvafiq bildiriş ölkə missiyası tərəfindən təşkilatın katibliyinə göndərilib.
"Report" xəbər verir ki, müəyyən edilmiş prosedura əsasən, əldə olunan məktubun nüsxəsi qurumun Baş Assambleyasının sədri Moqens Lükketoft və Təhlükəsizlik Şurasının rəhbəri Rafael Ramires tərəfindən imzalanaraq BMT yanındakı bütün daimi nümayəndələrə göndərilib.
Türk 2007-2012-ci illərdə Sloveniya prezidenti olub.
BMT-nin baş katibi postuna seçkiqabağı kampaniyaya 2015-ci ilin dekabrında start verilib.