​Slovakiyada "Zika" virusuna ilk yoluxma hadisəsi təsdiqlənib

Bakı. 2 mart. REPORT.AZ/ Slovakiyada ilk dəfə olaraq, Zika virusuna yoluxma halı təsdiqlənib.

"Report" "Reuters"ə istinadən xəbər verir ki, bunu Slovakiyanın səhiyyə naziri Viliam Çislak bəyan edib.

Məlumata görə, virus Cənubi Afrikadan qayıdan qadın slovakiyalıda aşkarlanıb.

O, ötən həftə xəstəxanaya yerləşdirilib. Həkimlər onun xəstəliyinin diaqnozunu qoymaqda çətinlik çəkiblər.