Bakı. 26 yanvar. REPORT.AZ/ "Siriza" radikal solçu koalisiyası ölkənin əvvəlki hökumətinin Avropa İttifaqı (Aİ) ilə razılaşdırdığı Yunanıstana dəstək iqtisadi proqramının fəaliyyətini başa çatdırmaq niyyətindədir.
"Report" TASS agentliyinə istinadən xəbər verir ki, bunu koalisiyanın iqtisadi siyasətinə cavabdeh olan Yannis Milios bildirib.
"Güman edirəm ki, Harduvelis (Yunanıstanın maliyyə naziri — red.) texniki xarakterli bütün işləri bağlayacaq. Harduvelisin Samarasın (Yunanıstanın baş naziri - red.) nümayəndəsi kimi razılaşdırdığı proqrama gəldikdə isə, o artıq mövcud deyil", - deyə o bildirib.