​Səudiyyə Ərəbistanında Suriya müxalifətinin konfransı keçiriləcək

Bakı. 1 dekabr. REPORT.AZ/ Səudiyyə Ərəbistanı hakimiyyəti krallığın paytaxtı ər-Riyadda Suriya müxalifət qüvvələrinin konfransını keçirəcək.

"Report" "əş-Şark əl-Ousat" qəzetinə istinadən xəbər verir ki, bu haqda Suriya müxalifətinin İnqilabçı Qüvvələrinin Milli Şurası məlumat yayıb. 

Məlumata görə, krallıq bu məqsədlə müxalifət təmsilçilərinə 65 dəvətnamə göndərib. Xəbərdə bildirilib ki, konfransda Suriyada keçid mərhələsinə hazırlığın görülməsi müzakirə ediləcək.

Tədbirin dekabrda keçirilməsi planlaşdırılıb.