Bakı. 27 aprel. REPORT.AZ/ Parisdə terror aktları törətməkdə əsas şübhəli şəxs olan Salah Abdeslam Fransaya ekstradisiya edilib.
"Report" xarici KİV-ə istinadən xəbər verir ki, bu barədə Belçika prokurorluğundan məlumat verilib.
Qeyd edək ki, S.Abdeslam Belçika polisinin keçirdiyi xüsusi əməliyyat zamanı martın 18-də Brüsseldə həbs edilib.
Xatırladaq ki, ötən ilin noyabrında Parisdə "Stad de Frans" stadionu yaxınlığında, "Bataklan" teatrında və yaxınlıqda yerləşən Kamboca restoranında törədilmiş terror hücumları nəticəsində 130-dan çox adam həyatını itirib, 350-yə yaxın insan isə yaralanıb.