Rusiyada faciə: 5 nəfər yanaraq öldü

Bakı. 3 yanvar. REPORT.AZ/ Rusiyanın Yaroslavl vilayətinin Pesoçnoye qəsəbəsində iki mərtəbəli yaşayış binasında baş verən yanğın nəticəsində 5 nəfər ölüb.

"Report"un RİA "Novosti" agentliyinə istinadən verdiyi məlumata görə, yanğın ötən axşam qeydə alınıb.

Yanğının söndürülməsinə 11 yanğınsöndürmə briqadası cəlb olunub. Ölənlərdən dördünün uşaq olduğu bildirilir.