​Rusiya Suriyada məktəb və xəstəxananı bombalayıb: 15 sakin ölüb, çoxlu yaralı var

Bakı. 15 fevral. REPORT.AZ/ Rusiya döyüş təyyarələrinin Suriyanın Hələb əyalətinin Əziz rayonunu bombalaması nəticəsində 15 dinc sakin həyatını itirib, 50-dən çox insan yaralanıb.

"Report" xəbər verir ki, bu haqda Türkiyə KİV-i məlumat yayıb.

Məlumata görə, Rusiya təyyarələri məktəb və xəstəxananı bombalayıb.

Xəbərdə bildirilib ki, Rusiya Əzizə iki ballistik raket də atıb.

Yaralılar Suriya ilə sərhəddə yerləşən Türkiyə şəhərlərinin xəstəxanalarına yerləşdirilib.