Bakı. 28 aprel. REPORT.AZ/ Rusiyaya məxsus döyüş təyyarələrinin Suriyanın Hələb şəhərindəki ən böyük xəstəxanalardan biri olan "Al-Kuds"ü bombalaması nəticəsində 4-ü həkim olmaqla, 53 mülki şəxs həlak olub.
"Report" Türkiyə KİV-inə istinadən xəbər verir ki, bombardman nəticəsində ölənlərin çoxu uşaq və qadındır.
Xəbərdə bildirilib ki, son 4 gündə bazar və qəsəbələrin bombalanması nəticəsində 150-dən çox mülki sakin həyatını itirib.