Bakı. 27 aprel. REPORT.AZ/ Rusiya ilə Koreya Xalq Demokratik Respublikası arasında ticarət dövriyyəsinin həcmi 2020-ci ildə 1 milyard dollara çata bilər. "Report"un BBC-yə istinadən verdiyi xəbərə görə, bunu Rusiyanın Uzaq Şərqin inkişafı üzrə Nazirliyinin rəhbəri Aleksandr Qaluşko bildirib.
Bundan öncə nazir bildirmişdi ki, kənd təsərrüfatında nəzarət funksiyasını həyata keçirən "Rosselxoznadzor" idarəsi Şimali Koreyadan olan bitki məhsullarına fitosanitar sertifikatın tanınmasına dair qərar qəbul edib.
Bu, Şimali Koreyadan tərəvəz məhsullarının Rusiya bazarına idxalına imkan verəcək.
Rusiya nümayəndə heyətinin üzvləri "İnterfaks" agentliyinə bildirib ki, Şimali Koreyada donuz fermasının yaradılması ideyası da nəzərdən keçirilir.