Qəzza zolağından İsrailə atılan raket məhv edilib

Bakı. 30 sentyabr. REPORT.AZ Qəzza zolağından İsrailin cənub rayonları istiqamətində atılan raket “Dəmir Qübbə” adlı hava müdafiə sisteminə aid bir batareya tərəfindən məhv edilib.

“Report”un “TASS” agentliyinə istinadən verdiyi xəbərə görə, raket atıldığı an İsrailin Aşdod şəhərində həyəcan siqnalı eşidilib.

Raketin qalıqlarının boş ərazilərə düşdüyü, can itkisi və yaralanmalara yol açmadığı deyilir.