Bakı. 26 sentyabr. REPORT.AZ/ Peru prezidenti Olyanta Umalanın həyat yoldaşı Nadin Eredia çirkli pulların yuyulmasında iştirakda şübhəli bilinir.
"Report"un məlumatına görə, ölkə prokurorluğu müəyyən edib ki, birinci xanım bir neçə il ərzində naməlum mənbələrdən on min dollarlarla pul əldə edib.
"Prokuror xanım Nadin Eredianın 2006 və 2011-ci illərdə aparılan seçkiqabağı kampaniyalar zamanı aktivlərin yuyulması üzrə mümkün cinayətlə əlaqədar istintaq obyekti olması üçün araşdırmanın genişləndirilməsi göstərişi verib", — deyə "El Nuevo Herald" portalı prokurorluğun bəyanatını sitat gətirib.