Bakı. 5 avqust. REPORT.AZ/ Bu gün axşam saatlarında Parisin Eyfel qülləsində olan bütün ziyarətçilər təxliyə edilib.
"Report" xəbər verir ki, bu barədə BFMTV telekanalı məlumat yayıb.
Telekanal qeyd edir ki, bu barədə qərar qüllədə şübhəli çantanın aşkar edilməsi səbəbindən qəbul olunub.
Şahidlərin sözlərinə görə, hadisə yerinə çoxlu sayda polis əməkdaşı və hərbçi cəlb olunub.
İnsidentin digər təfərrüatları barədə məlumat verilmir.