Pakistanda silahlıların hücumu zamanı 3 əsgər həlak olub

Bakı. 18 sentyabr. REPORT.AZ/ Pakistanın şimal-qərbindəki Peşavar şəhərində terrorçuların hücumu zamanı 3 əsgər həlak olub.

"Report"un məlumatına görə, bu barədə "Associated Press" agentliyi xəbər yayıb.

Məlumata görə, iki silahlı şəxs üç hərbçinin olduğu avtomobili atəşə tutub.

Hadisəyə görə heç bir qruplaşma məsuliyyəti üzərinə götürməyib.