Pakistanda qar uçqunu: iki məktəbli həlak olub

Bakı. 20 mart. REPORT.AZ/ Pakistan mətbuatının verdiyi xəbərə ğörə, Xayber-Paxtunxva əyalətində qar uçqunu nəticəsində iki məktəbli həlak olub, doqquzu isə itkin düşüb.

Yerli polis bildirib ki, şagirdlər dərsdən sonra evlərinə qayıtmadıqlarına görə onların axtarışına başlanıb. İki nəfər tapılıb, doqquzunun axtarışları isə davam edir. Onların sağ tapılmasına güman çox azdır. İtkin düşənlər 20 saatdan çox qar altında qalıblar. Belə vəziyyətdə məktəblilərin sağ qalmaq şansı çox azdır.