Bakı. 19 fevral. REPORT.AZ/ ABŞ prezidenti Barak Obama Şimali Koreyaya qarşı sanksiyaların genişləndirilməsi və sərtləşdirilməsini nəzərdə tutan qanun imzalayıb.
"Report" TASS-a istinadən xəbər verir ki, bu qərar Koreya Xalq Demokratik Respublikasının nüvə və raket proqramı ilə bağlı qəbul olunub.
ABŞ-ın yeni qadağaları Şimali Koreyaya kütləvi qırğın silahları yaratmaq imkanı verən texnologiyaların daşınmasını bu və ya digər şəkildə dəstəkləyən fiziki və hüquqi şəxslərə qarşı məhdudiyyətlərin tətbiqini nəzərdə tutur.