Nazir seçki məntəqə komissiyalarını kiberhücumdan müfadiə tədbirlərini sürətləndirməyə çağırıb

Bakı. 11 oktyabr. REPORT.AZ/ ABŞ-ın daxili təhlükəsizlik naziri Cey Conson ölkənin seçki məntəqə komissiyalarını kiberhücumdan müfadiə tədbirlərini sürətləndirməyə çağırıb.

"Report" "RİA Novosti"yə istinadən xəbər verir ki, ştat səviyyəsində 33 seçki orqanı, 11 seçki dairəsi kiberhücuma dair təhlükəsizlik tədbirləri ilə bağlı Daxili Təhlükəsizlik Nazirliyinə müraciət edilib.

"Seçkiyə 29-gün qalıb. Biz başqa seçki məntəqələrini də uyğun addımı atmağa çağırırıq", - deyə nazir vurğulayıb.

Onun sözlərinə görə, ehtimal edilən kiberhücumlardan qorunmaq üçün görülən işlərin yoxlanılması 3 həftəydək davam edə bilər.

Qeyd edək ki, bu il noyabrın 8-də ABŞ-da prezident seçkisidir.