Bakı. 13 iyun. REPORT.AZ/ Myanmada ötən həftə başlayan şiddətli yağışlar səbəbindən 12 nəfər həlak olub.
Bu barədə "Report" "RİA Novosti"yə istinadən xəbər verir.
Ölkənin Sosial Təminat Nazirliyinin məlumatına görə, aralarında 4 qadın və 1 uşağın da olduğu ölənlər ölkənin qərbindəki Rakxayn ştatında və şimal-qərbindəki Sikayn ştatında yaşayıb.
Leysan yağışları Myanmanın bəzi hissələrində iyunun 9-da başlayıb və selə səbəb olub. Meteoroloqların məlumatına görə, leysan yağışlar bəzi regionlarda gələn həftəyə qədər davam edəcək.