​Moldovada ictimai yerlərdə siqaret çəkmək qadağan edilib

Bakı. 1 iyun. REPORT.AZ/ Mayın 31-dən etibarən Moldovada ictimai yerlərdə siqaret çəkmək qadağan edilib.

“Report” xəbər verir ki, qanunla siqaret çəkmək bütün qapalı və yarıqapalı ictimai yerlərdə, dövlət, tibb, təhsil müəssisələrində, park və uşaqlar üçün nəzərdə tutulan oyun meydançalarında, stadionlarda, arenalarda, ictimai nəqliyyat dayanacaqlarında və həddi-buluğa çatmayanların olduğu şəxsi avtomobillərdə qadağan edilib.

Qanunu pozan fiziki şəxsləri 50-dən 150 dollaradək, vəzifəli və hüquqi şəxsləri isə 500 dollaradək cərimə gözləyir.