Bakı. 20 mart. REPORT.AZ/ Martın 19-da Misirin Sinay yarımadasının Əl-Erişa qəsəbəsində polis postu yaxınlığında bombanın partlaması nəticəsində 13 nəfər həlak olub.
“Report” xəbər verir ki, bu barədə “Əl-Arabiya” agentliyi məlumat yayıb.
“Misirin Erişa qəsəbəsində təhlükəsizlik qüvvələrinə hücumdan sonra 13 nəfər həyatını itirib”, – deyə məlumatda bildirilir.
Agentlik qeyd edir ki, terror aktını İŞİD terrorçuları törədib.