Bakı. 2 iyul. REPORT.AZ/ Meksikanın paytaxtı Mexiko şəhərində yanğın hadisəsi baş verib. "Report" "RİA Novosti"yə istinadən xəbər verir ki, hadisə nəticəsində 3-ü uşaq olmaqla 6 nəfər ölüb.
Mülki müdafiə naziri Fausto Luqonun sözlərinə görə, yanğın gündüz icarəyə verilmiş zirzəmidə başlayıb.
Hadisə nəticəsində daha 3 uşaq xəsarət alıb. Onlar xəstəxanaya yerləşdiriliblər.
Olay yerinə onlarla yanğınsöndürən cəlb edilib.
Hadisənin başvermə səbəbləri araşdırılır.