​Malaziyaya məxsus "Boeing" Hindistanda təcili eniş edib

Bakı. 3 sentyabr. REPORT.AZ/ Amsterdamdan Kuala-Lumpura uçan Malaziyaya məxsus "Boeing 777" təyyarəsi Hindistanın Çennai şəhərinə təcili eniş edib.

"Report" xəbər verir ki, bu barədə "Malaysia Airlines" aviaşirkətinin nümayəndəsi məlumat verib.

Onun sözlərinə görə, təcili enişə təyyarənin tualet otaqlarının işində yaranan nasazlıq səbəb olub. Bütün çatışmazlıqlar aradan qaldırıldıqdan sonra layner səhər uğurla təyinat məntəqəsinə çatıb.