Bakı. 17 avqust. REPORT.AZ/ Malayziyada 900 min litr dizel yanacağı daşıyan neft tankeri qaçırılıb.
"Report" RİA "Novosti"yə istinadən xəbər verir ki, bunu hökumət rəsmiləri bildirib.
Malayziya Dəniz İdarəsinin məlumatına görə, "Vier Harmoni" gəmisi hazırda İndoneziyanın Batam şəhərinin sularındadır. Tankeri qaçıranların kimliyi hələlik məlum deyil.
"Reuters"in məlumatına görə, 392,7 min dollar dəyərində dizel yanacağı daşıyan gəmi çərşənbə axşamı Tancung Pelepas limanından Malayziyaya yola çıxıb.
Hadisə barədə əlavə məlumat açıqlanmır.