Bakı. 20 noyabr. REPORT.AZ/ Litva polisi konvoydan qaçmış və onun avtomatını oğurlamış qanun pozucusunu yaxalaya bilib.
"Report" TASS-a istinadən xəbər verir ki, saxlanma faktını baş polis komissarı Linas Pernavas da təsdiq edib.
"Cinayətkar saxlanılıb, silah tapılıb", - deyə Linas Pernavas bildirib.
Məlumata görə, 24 yaşlı cani inzibati qanun pozuntusuna görə saxlanılıb və o, xəstəliyindən şikayətlənərək xəstəxanaya aparılan zaman qaçıb. Bir məlumata görə, o ruhi xəstə, digərinə görə narkomandır.
Bir neçə saat ərzində onun axtarışı ilə təqribən 3 min polis əməkdaşı məşğul olub. Saxlanılma zamanı xəsarət alan olmayıb.