​Kim Çen In KXDR-in düşmənləri ilə münasibətlərini normallaşdıracağını bildirib

Bakı. 8 may. REPORT.AZ/ Koreya Xalq Demokratik Respublikasının (KXDR) rəhbərliyi KXDR-in nüvə silahının yayılmaması üzrə öhdəliyi yerinə yetirəcəyini bəyan edib. "Report"un məlumatına görə, yerli mediaya əsasən "RİA Novosti" xəbər yayıb.

Xəbərə görə, Koreya Xalq Demokratik Respublikasının lideri Kim Çen In ölkəsinin nüvə silahının yayılmaması haqda öhdəliyə əməl edəcəyini bildirib.

Bu arada Kim Çen In KXDR-lə düşmən siyasəti aparmış dövlətlərlə də münasibətləri normallaşdırmağın tərəfdarı olduğunu da əlavə edib. O, bildirib ki, Koreya Xalq Demokratik Respublikasına qarşı düşmənçilik siyasəti yürüdən dövlətlərlə münasibətləri nizamlamağa hazırdır.