Bakı. 6 yanvar. REPORT.AZ/ Rusiyanı terrorçuluğa dəstək verməkdə ittiham edən rəsmi Kiyev şimal qonşusuna qarşı BMT-nin Beynəlxalq Məhkəməsində iddia qaldırmağa hazırlaşır.
"Report"un “Lenta.Ru”ya istinadən verdiyi xəbərə görə, bu barədə Ukraynanın Ədliyyə naziri Pavel Petrenko məlumat verib.
Nazirin sözlərinə görə, iddia ilə bağlı sübutlar artıq toplanıb və hazırda Kiyev ilə Moskva arasında məhkəməyəqədər kommunikasiya prosesini davam etdirilir.
Qeyd edək ki, hazırda beynəlxalq məhkəmələrdə Ukraynanın Rusiyaya qarşı bir neçə şikayətinə baxılır.
Rəsmi Kiyev Krım və Donbasda yaşanan hadisələrlə bağlı Rusiyadan 50 milyard dollar həcmində təzminat tələb edir.