Bakı. 21 noyabr. REPORT.AZ/ İsrail hərbçiləri İordan çayının qərb sahilində yerləşən Hebron şəhərinə reyd zamanı Fələstin radiosunu bağlayıb.
"Report"un BBC-yə istinadən verdiyi xəbərə görə, bu, hərbçilərin bir ay içində bağladığı ikinci Fələstin radiosudur.
Əl-Xəlil radiosu ötən axşam 6 ay müddətinə qapadılıb.
Ordu radionu İsrail vətəndaşlarına qarşı terror və zorakılığa təhrikdə ittiham edib.
Fələstin höküməti İsrailin hərəkətini pisləyərək, bunu beynəlxalq hüququn pozulması adlandırıb.
Son iki ayda artan gərginlik fonunda onlarla fələstinli və israilli öldürülüb.