İspaniyada kralın bacısının məhkəmə işi başlayıb

Bakı. 11 yanvar. REPORT.AZ/ Mayorkada İspaniya kralının bacısı infanta Kristinanın maliyyə fırıldaqçılığı üzrə məhkəmə işi başlayıb. "Report" "Rosbalt"a istinadən xəbər verir ki, o, büdcədən 6 milyon avro mənimsəməkdə ittiham olunur.

Məhkəmə iclasına infanta həyat yoldaşı Inyaki Urdanqarinlə birgə gəlib.

Qeyd edək ki, bu iş üzrə kralın bacısından əlavə, daha 17 nəfərin adı hallanır. Məhkəmənin bu il iyunun 30-da hökmünü verəcəyi gözlənilir.