Bakı. 28 may. REPORT.AZ/ İŞİD terror qruplaşmasının liderlərindən biri Mahir əl-Bilaui ABŞ-ın endirdiyi aviazərbələr nəticəsində məhv edilib.
"Report" xəbər verir ki, bunu cümə günü keçirilən brifinqdə Amerikanın İraq və Suriyada əks-kəşfiyyat əməliyyatları komandanlığının nümayəndəsi polkovnik Stiv Uorren deyib.
"Biz onu iki gün əvvəl aviazərbə zamanı öldürdük", - deyə Uorren bildirib.
O qeyd edib ki, bu, əldə edilən kəşfiyyat məlumatları sayəsində mümkün olub.
"Əlbəttə k, bu, düşmənin döyüşü dayandırmasına təsir etməsə də, onlara zərbə oldu. Bu, inamsızlıq yaradır", - deyə polkovnik bildirib.