Bakı. 9 aprel. REPORT.AZ/ "İslam Dövləti" (İŞİD) terror qruplaşmasının yaraqlıları İraqın şimal-qərbində yaşayan 300 icma nümayəndəsini qətlə yetirib.
"Report"un "TASS"a istinadən veriyi xəbərə görə, bu barədə ölkənin ən böyük icmalarından biri sayılan əl-Bunimar tayfasının rəhbəri məlumat verib. Onun sözlərinə görə, ekstremistlər 300 nəfəri əl-Bunimar tayfasını müdafiə etməkdə təqsirkar sayaraq qətlə yetirib. Qətllər Suriya ərazisində törədilib.
Qeyd edək ki, əsasən İraqın əl-Ənbar vilayətində yaşayan əl-Bunimar tayfası bu ilin əvvəlində tayfa nümayəndələrini öldürdüyünə görə İŞİD yaraqlılarına qarşı müharıbə elan edib və qana qanla cavab verəcəklərinə and içiblər.