​İraqda partlayış nəticəsində 14 nəfər həlak olub

Bakı. 07 İyun. REPORT.AZ/ Bağdadın 70 km-də yerləşən Bələd-Ruz şəhərində bazarın yaxınlığında minalanmış avtomobilin partlaması nəticəsində 14 nəfər ölüb, 37 nəfər yaralanıb.

"Report" xəbər verir ki, bu barədə həkimlərə istinadən "Əl-Arabiyyə" telekanalı məlumat yayıb.

Terror aktı nəticəsində, həmçinin bir neçə maşın və mağaza zərər çəkib.

Heç bir qruplaşma hadisə ilə bağlı məsuliyyəti öz üzərinə götürməyib.