İraqda iki terror aktı nəticəsində 20 nəfər ölüb

Bakı. 12 noyabr. REPORT.AZ/ İraq hökumət ordusunun və kürd silahlılarının azı 20 əsgəri Əl-Fəllucədə törədilən iki terror aktının qurbanı olub.

"Report" TASS-a istinadən xəbər verir ki, əsgərlər sıralarında intiharçıların da olduğu terrorçuların koordinasiyalı hücumuna məruz qalıb.

Hələlik ölkədə mövcud olan heç bir ekstremist qrup bu hücum üçün məsuliyyəti boynuna götürməyib.