Bakı. 21 iyun. REPORT.AZ/ İordaniya-Suriya sərhədində minalanmış avtomobil partlayıb.
"Report" BBC-yə istinadən xəbər verir ki, hadisə Bakı vaxtı ilə saat 06.30-da Rukban rayonunda suriyalı qaçqınların yaşadığı düşərgənin qarşısında törədilib.
Nəticədə iordaniyalı bir neçə sərhədçi ölüb və yaralanıb.
Qeyd edək ki, iki həftə əvvəl ölkə paytaxtı Amman ətrafındakı fələstinli qaçqınların yaşadığı qaçqın düşərgəsinə edilən silahlı hücum nəticəsində İordaniya kəşfiyyat idarəsinin 5 əməkdaşı ölüb.