Bakı. 5 aprel. REPORT.AZ/ İndoneziyanın şərqində 5,2 bal gücündə zəlzələ baş verib.
"Report"un RİA "Novosti" agentliyinə istinadən verdiyi məlumata görə, yeraltı təkanların episentri Saumlaki şəhərindən 185 km şimal-qərbdə 109 kilometr dərinlikdə yerləşib.
Dağıntılar və xəsarət alanlar barədə məlumat verilmir. İndoneziyanın Milli Meteorologiya və Geofizika İdarəsinin yaydığı məlumata görə, sunami təhlükəsi yoxdur.