Hindistanda onlarla adam yol ötürücüsünün dağıntıları altında qalıb

Bakı. 1 aprel. REPORT.AZ/ Martın 31-də Hindistanın Kəlküttə şəhərində tikintisi tam bitməmiş yol ötürücüsünün çökməsindən sonra hələ də onlarla adam dağıntının altında qalıb. "Report" Hindistan KİV-inə istinadən xəbər verir ki, hadisə yerində xilasetmə işləri davam etdirilir.

Qəza nəticəsində ölənlərin sayı 23 nəfərə çatıb.

Uzunluğu iki km olan estakada 2009-cu ildən inşa olunur. Eyni zamanda işin bitmə tarixi bir neçə dəfə ertələnib.

Hələlik çökmənin səbəbi məlum deyil. Lakin ehtimallar arasında tikintinin keyfiyyətinin nəzarətsiz qalması və material qıtlığı da var.