Hindistanda casusluqda şübhəli bilinən pakistanlı diplomat saxlanılıb

Bakı. 27 oktyabr. REPORT.AZ/ Hindistan polisi casusluqda şübhəli bilinən Pakistan səfirliyinin əməkdaşını Nyu Dehlidə saxlayıb.

Bu barədə "Report" Hindistan KİV-inə istinadən xəbər verir.

Saxlanılan Mahmud Axtar son üç ildə diplomatik nümayəndəlikdə çalışıb və diplomatik pasporta da malikdir. Bu gün polis məntəqəsində sorğu-sual edilən səfirlik əməkdaşı diplomatik toxunulmazlığı olduğundan sonradan sərbəst buraxılıb.

Polis qəsdən sənəd sızması olduğunu ehtimal edir. Mahmud Axtarda olan gizli sənədlər Hindistanın müdafiə strategiyası ilə əlaqəlidir.