Bakı. 23 avqust. REPORT.AZ/ Cümə günü Amsterdamdan Parisə hərəkət edən Thalys qatarında atəş açmaqda şübhəli bilinən 25 yaşlı mərakeşli Ayoub El-Kahzzani Fransa polisi tərəfindən dindirilib.
"Report" BBC-yə istinadən xəbər verir ki, şübhəli şəxsin "ifratçı İslamçı hərəkata" əlaqəli olduğu deyilir. Hadisə yerində üç sərnişin onu yerə yıxaraq zərərləşdirmişdi.
Qeyd edək ki, El-Kahzzani rəsmi ittiham açıqlanmadan dörd gün saxlanıla bilər.
Thalys qatarlarında təhlükəsizlik tədbirləri sərtləşdirilib. Şənbə günü hadisə yerinə baş çəkən Fransanın Daxili İşlər Naziri hadisəni "terror aktı" kimi dəyərləndirib.