Filippində naməlum şəxslər karnaval zamanı izdiham içinə qumbara atıb, bir uşaq ölüb

Bakı. 22 fevral. REPORT.AZ/ Filippində motosikletli naməlum şəxslər insan izdihamının yaşandığı yerə qumbara atıb. "Report" "RİA Novosti"yə istinadən xəbər verir ki, hadisə Esparansa şəhərində keçirilən karnaval zamanı baş verib.

İnsident nəticəsində 6 yaşlı bir uşaq ölüb, daha 38 nəfər yaralanıb.

Yaralılardan birinin vəziyyətinin kritik olduğu xəbər verilir.

Polis olayla bağlı araşdırmalara başlayıb.