Bakı. 25 sentyabr. REPORT.AZ/ Bu gün Sakit okeanda, Fici arxipelaqına daxil olan Ndoy adasının 119 km.-də 6,8 bal gücündə zəlzələ baş verib.
"Report" xəbər verir ki, bu barədə ABŞ-ın Geoloji Xidməti məlumat yayıb.
Yeraltı təkanların episentri Fici Respublikasının əhalisi 77 min nəfərdən çox olan paytaxtı Suvadan 417 km. cənub-şərqdə qeydə alınıb. Zəlzələnin ocağı yerin 592 km. dərinliyində olub.
Dağıntı və tələfat barədə məlumat, həmçinin sunami təhlükəsi barədə xəbərdarlıq daxil olmayıb.