​"Facebook"un Almaniyadakı ofisi daşa basılıb

Bakı. 14 dekabr. REPORT.AZ/ Almaniya polisi "Facebook"un ofisinə daş və rəng atan, həmçinin divarını yazan şəxsləri axtarır.

"Report" "Associated Press"ə istinadən xəbər verir ki, şahidlərin dindirilməsi nəticəsində məlum olub ki, ofisə qara geyimli və maskalı 15-20 nəfərə yaxın şəxs hücum edib.

Polis əməkdaşı Yorq Şreder bildirib ki, hücumun motivləri hələ məlum deyil, dəyən ziyan dəqiqləşdirilir.