Bakı.15 yanvar. REPORT.AZ/ Egey dənizinin Yunanıstan hissəsində, Aqatonisi adası sahillərində qaçqınların olduğu gəminin batması nəticəsində 3 uşaq boğularaq ölüb.
"Report" xəbər verir ki, bu haqda Türkiyə KİV-i məlumat yayıb.
Məlumata görə, xilasedicilər batan gəmidən 20 nəfəri sağ çıxarıblar. Onlar Yunanıstanın Aqatonisi adasına aparılıb. Oradan isə ölkənin digər limanına köçürüləcəyi gözlənilir.