Bakı. 1 oktyabr. REPORT.AZ/ Əfqanıstan ordusu Kunduz şəhərini "Taliban" terrorçularından təmizləyib.
"Report" "Reuters"ə istinadən xəbər verir ki, Əfqanıstan Silahlı Qüvvələri şəhərin terrorçulardan azad edilməsi üçün irimiqyaslı əməliyyat keçirib. Hazırda Kunduzun əsas hissəsi hökumət qüvvələrinin nəzarəti altındadır.
Xatırladaq ki, sentyabrın 28-də "Taliban" hərəkatının silahlıları şəhəri ələ keçirmişdi. ABŞ Hərbi Hava Qüvvələrinin qırıcıları sentyabrın 29-da terrorçuların Kunduzun ətrafındakı mövqelərini bombalamışdı.