Bakı. 30 İyun. REPORT.AZ/ Əfqanıstanın şimal-şərqində 5,5 bal gücündə zəlzələ baş verib. "Report" "RİA Novosti"yə istinadən xəbər verir ki, bu haqda ABŞ-ın Geoloji Xidmət Agentliyi məlumat yayıb.
Təbii fəlakət Bakı vaxtı ilə 00.07-də qeydə alınıb. Məlumatda bildirilib ki, zəlzələnin mərkəzi Badaxşan vilayətinin Aşkaşam şəhərindən 22 km qərbdə yerləşib.
Yeraltı təkanların ocağı 18,5 km dərinlikdə olub.
Dağıntı və ya xəsarət alanlar barədə məlumat verilməyib.