Bakı. 6 may. REPORT.AZ/ Əfqanıstan Silahlı Qüvvələri 60 nəfəri "Taliban" hərəkatının girovluğundan azad edib.
"Report" "Khaama Press"ə istinadən xəbər verir ki, bu haqda Əfqanıstan Müdafiə Nazirliyi məlumat yayıb.
Məlumata görə, girovlar Əfqanıstan hərbçilərinin ötən gecə keçirdiyi xüsusi əməliyyat nəticəsində azad edilib.
Əməliyyat zamanı "Taliban"ın 2 silahlısı öldürülüb, 3-ü isə yaralanıb, xeyli miqdarda partlayıcı maddə aşkar olunaraq götürülüb.