Bakı. 6 fevral. REPORT.AZ/ Suriyada Bəşşar Əsədə bağlı Hərbi Hava Qüvvələrinin Dəməşq yaxınlığındakı Şərqi Qutu rayonunu bombalaması nəticəsində 70-dən çox insan, o cümlədən 12 uşaq, eləcə də 11 silahlı ölüb.
"Report" "News.ru"ya istinadən xəbər verir ki, məlumatı Suriya İnsan Haqlarının Müdafiəsi Müşahidə Təşkilatı yayıb.
Xəbərdə bildirilib ki, qırıcılar 60-dan artıq hava zərbəsi endirib.
Bu bombardman ötən gün İŞİD silahlı qruplaşmasının Dəməşqi raket atəşinə tutmasına cavab sayılır. Həmin hadisə nəticəsində ölkə paytaxtında ondan çox adam ölmüşdü.