​Dağıstanda Mahaçqala üsyançıları qrupunun lideri güllələnib - VİDEO

Bakı. 24 Avqust. REPORT.AZ/ Mahaçqalanın Novıy Xuşet qəsəbəsində aparılan xüsusi əməliyyat zamanı yerli üsyançı qruplaşmanın lideri Əbdül Qurbanov və daha iki silahlı öldürülüb, "OMON"un bir əməkdaşı yaralanıb.

"Report" xəbər verir ki, bu barədə Rusiya Federasiyası Milli Anti-terror Komitəsi məlumat yayıb.

Öldürülən, həmçinin Əbu Havs ləqəbi ilə tanınıb.

Komitənin məlumatına görə, Əbdül Qurbanov avqustun 17-də Novıy Xuşet qəsəbə polisinin sahə müvəkkili və avqustun 21-də iki OMON döyüşçüsünün qətlində iştirak edib.

Dağıstan paytaxtının Lenin rayonunda xüsusi əməliyyat avqustun 21-də başlayıb.