Çində anbarda baş verən yanğın 5 nəfərin ölümü ilə nəticələnib

Bakı. 25 iyun. REPORT.AZ/ Çinin Tszyansu əyalətində anbarda baş verən yanğın 5 nəfərin ölümü ilə nəticələnib.

"Report" "RİA Novosti"yə istinadən xəbər verir ki, yanğın Suçjou şəhərində yerləşən mebel anbarında baş verib.

Hadisə yerinə gələn yanğınsöndürənlər binadan 5 nəfəri çıxarsa da, sonradan onlar aldıqları ağır yanıq xəsarətlərindən həyatını itirib.

Yanğının hansı səbəbdən baş verdiyi açıqlanmır. Ümumilikdə 200 kv.m sahə yanıb.