Bakı. 30 iyul. REPORT.AZ/ Braziliyada silahlı şəxs 5 nəfəri girov götürüb.
"Report" xəbər verir ki, bu barədə "Globo" telekanalı məlumat yayıb.
Telekanalın məlumatına görə, hadisə ölkənin qərbində yerləşən San-Paulu şəhərində, cinayətkar qrup üzvlərinin yaxınlıqdakı mağazanı qarət etmək istəyərkən baş verib. Polis cinayətkarları hadisə yerindəcə izinə düşüb. Bundan sonra atışma başlayıb.
Quldurlardan 5-i qaçıb, 1-i isə yaxınlıqdakı kafeyə daxil olaraq kafenin işçilərini və müştərilərini girov görürüb.
Məlumata görə, girov götürülənlərdən ikisi kişi və üçü isə qadındır.
Hazırda polis onların azad edilməsi ilə bağlı danışıqlar aparır.